Buddur

Jæja þá styttist nú heldur betur í gleðina, nefndin hefur hlerað að mæting sé góð þ.e. allar ætli að mæta.
Nefndin hamast við undirbúning og Heiðrún er búin að raða inn á ipodinn þannig að „Bat Out Of Hell“ með Meatloaf verður annað hvert lag... Nolan systur verður „hitt“ lagið.
Væntanlega eru allar líka búnar að útvega sér viðeigandi klæðnað eða búnað í takt við þemað góða og nefndarstörf ættu fljótlega að fara í gang. Að öðrum nefndum ólöstuðum hvílir þó mesta ábyrgðin á herðum Eikanna.
Þær sem verða svo heppnar að fá að sofa í rúmi verða að muna að taka með sér sængurföt, en það er ekki mjög mikilvægt þar sem svefn vegur ekki þungt í dagskrá leikanna.
Gott væri og gaman ef buddur myndu vilja vera svo vænar að melda sig á síðunni og láta vita hvenær má eiga von á þeim norður. Það er hugsanlegt að skipuleggja sætaferðir yfir í skóginn ef margar koma með flugi.
Svo má líka alveg mæra nefndina fyrir frábær störf.
Knús þar til næst.
Ester og Heiðrún