Budduleikar 2010

Kæru Buddur nær og fjær!

Nú hefur nefndin lokið frumundirbúningi Budduleika 2010 og mun nú opinbera nauðsynlegustu upplýsingar, svo Buddur geti farið að skipuleggja ferðatilhögun og viðað að sér nauðsynlegum fylgihlutum í takt við þemað.

Budduleikar 2010 verða haldnir helgina 30. apríl – 2. maí í Vaglaskógi, nánar tiltekið í unaðslegum bústað sem nefndur er Skógarsel. http://www.fvsa.is/page/skogarsel_i_vaglaskogi Efast nefndin ekki um að Buddur verði sem blómi í eggi í Vaglaskógi miðjum, hins vegar er ekki vitað hvort skógurinn muni bera sitt barr eftir leikana.

Þema leikanna verður flóra landsins í takt við staðsetningu, tré, blóm, illgresi, o.s.frv. Við treystum á fjörugt ímyndunarafl Buddanna í þeim efnum.

Dagskráin:

·Föstudagur;
Buddur streyma á staðinn ýmist með flugi, rútu eða á einkabílum frá höfðuborginni, og landsbyggðarbuddur á fararskjótum af misjöfnu tagi, Kristín fremst í flokki. Slegist um rúm og rúmstæði. Hugguleg kvöldstund að vali hvers og eins.
·Laugardagur;
Brunch, bæjarferð, útivera, litun, potturinn, aftur snyrting og svo kvöldverður og skemmtiatriði. Brjálað geim og læti. Ekki gefið mikið upp um þennan lið, Buddur hlýða bara því sem þeim er sagt að gera.
·Sunnudagur;
Buddur tínast á fætur, misjafnlega hressar (Solla hressust) taka til eftir sóðaskap næturinnar, Spurning um að velta sér á hina hliðina og dorga svolítið meðan Þórdís tekur til... Síðan verður tekið til við að faðmaðst, kyssast og knúsast og svo verður kostnaður helgarinnar gerður upp.

Nefndaskipan: (Athugið að nöfn nefnda og ráða hafa enga beina tilvísun í eiginleika eða útlit Budda)

Rammíslenskar og kræklóttar bjarkir (hóst!)
Þuríður Ó, Þuríður Á, Hildur, Gunna
Morgunverðar-brunshnefnd, laugardag og sunnudag

Tilkomumiklar eikur (já sæll!)
Kristín, Odda, Þórdís
Fordrykkjarnefnd

Þráðbeinar og hávaxnar aspir (je ræt!)
Unnur, Steinunn, Helga, Sólveig
Aðalréttarnefnd

Dúnmjúkar furur (eða þannig..)
Hella, Jónína, Soffía, Begga
Eftirréttarnefnd